Gjyqi ndaj Dritan Dajtit shtyhet për të 203-ën herë

17:41 / 26.02.2013

Është shtyrë sot për të 203-ën herë seanca gjyqësore ndaj Dritan Dajtit, duke e futur këtë proces në një kolaps të vërtetë. Shkak për shtyrjen e seancës është bërë mungesa e të gjithë avokatëve.

Mësohet se gjatë seancës, Dajti ka ironizuar gjykatësin, duke thënë se “Nuk jam unë që po i shty seancat, por jeni ju në pamundësi për të më gjetur mua një avokat mbrojtës”.

Në fakt, mungesa e avokatëve apo ndërrimi dhe zëvendësimi i tyre prej vetë Dritan Dajti, duket se është një strategji e zgjedhur nga ky i fundit për të zvarritur sa më shumë procesin dhe duket se ia ka arritur, raporton BW.

Dritan Dajti akuzohet se më 7 gusht 2009, në vendin e quajtur 'Pista Iliria' në Durrës, ekzekutoi brenda pak minutash katër oficerët e Skuadrës speciale operacionale: Fatos Xhanin, Saimir Duckollarin, Altin Dizdarin dhe Kastriot Feskajn, të cilët tentuan t'i vinin prangat pas shtatë vitesh në arrati. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.