Prangoset burri që mori peng vajzën

22:36 / 26.02.2013

I premtoi martesë, fustan të bardhë, por shpejt ëndrra e bukur e një vajze të re kthehet në një makth. I riu, për të cilin thuri ëndrra nuk ishte gjë tjetër veç një burrë i martuar me fëmijë i cili shndërrohet më pas në pengmarrësin e saj.

Historia e trishtë vjen nga Mirdita, ku një vajzë 21-vjeçare është shpëtuar sot nga policia pas një pengmarrjeje prej 22 ditësh, ndërsa pengmarrësi është vënë në pranga.

Siç bën të ditur policia, për afro një muaj vajza me inicialet Dh.L. u mbajt peng në një banesë në Mirditë. Mbi vajzën u ushtrua dhunë fizike, psikologjike si dhe marrëdhënie seksuale me dhunë.

Pas marrjes së informacionit, policia mundi të vihet në gjurmët e pengmarrësit duke çliruar ditën e sotme vajzën e re. Në pranga ndërkaq është vënë shtetasi, Mirash Kolaj 27 vjeç. Mbi të riun rëndon akuza, për “Kryerje të marrëdhënieve seksuale dhe dhunë” dhe ‘heqje të lirisë së tjetrit’.

News24 bën te ditur se më 3 shkurt të këtij viti, Mirash Kolaj nga fshati Blinisht i ka propozuar “martesë” bashkëfshatares së tij, 21-vjeçare me inicialet Dh. Ll.

Vajza ka pranuar propozimin duke u larguar me dëshirën e saj nga banesa, por pa e ditur që Kolaj ishte i martuar dhe me fëmijë. Policia nisi hetimet pas denoncimit të prindërve për zhdukjen e vajzës. Ajo u gjet ne banesën e Mirash Kolajt, ndërsa burimet shtojnë se e reja dhunohej çdo ditë nga 27-vjeçari që kishte ushtruar gjithashtu person ndaj bashkëshortes së tij për të mos denoncuar rastin. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.