Një i vrarë dhe një i plagosur në Gjakovë
Një person është vrarë dhe një tjetër është i plagosur nga shkëmbimet me armë zjarri në Moglicë të Gjakovës.“Efektivet policor menjëherë kanë shkuar në spital dhe kanë konfirmuar rastin se shtetasi i Kosovës Sokol N. nga plagët e marra kishte ndërruar jetë,vdekjen e të cilit e kishin konfirmuar mjekët kujdestar të repartit emergjent. Në spital ndihmë ka kërkuar edhe shtetasi Jozef N.(1993),i cili ishte i lënduar në qafë nga goditja me kondak të automatikut”, thuhet në këtë komunikatë.
Sipas njoftimit policor, rasti kishte ndodhur në fshatin Petërshan.
“Sipas hetimeve te para preliminare dhe deklarimeve të dhëna,rasti kishte ndodhur në një pyll i quajtur “ Lugu i keq” të fshatit Pjetërshan komuna Gjakovë. Aty viktimat( babë e bir) kishin shkuar për të prerë dru, ndërsa personat e dyshimtë kishin shkuar te armatosur me AK 47 dhe personi tjetër i dyshuar ne arrati me një revole. Pas veprimeve që kanë ndërmarrë të dyshimtit ndaj viktimave,ka ardhë deri të përdorimi i armës nga i dyshuari me ç’rast janë plagosur dy persona,njeri nga ata ka ndërruar jetë,ndërsa i lënduari është duke u kuruar në spital”, thuhet në komunikatë./Telegrafi/
