Vidhet kasaforta e Ministrisë së Infrastrukturës?

22:29 / 22.04.2013

Një vjedhje e rëndë ka ndodhur në Prishtinë. Zëdhënësi Baki Kelani ka thënë se vjedhja ka ndodhur në rrugën “Fehmi Agani”, në Prishtinë, duke mos sqaruar se çfarë është vjedhur.

“Policia e Kosovës, sot ka pranuar një informacion se në rrugën “Fehmi Agani”, në një objekt është raportuar për një rast vjedhje. Njësitet policore menjëherë i janë përgjigjur vendit të ngjarjes duke i ndërmarrë të gjitha veprimet e nevojshme policore për hetimet e rastit të cilësuar si vjedhje e rëndë”, ka thënë Kelani për KTV-në.

Ai ka thënë se deri në këto momente nuk raportohet për persona të arrestuar, përderisa hetimet policore janë duke vazhduar.

Jo zyrtarisht, raportohet se vjedhja ka ndodhur në një ministri të qeverisë së Kosovës.

Ndërsa burimet e portalit Indeksonline brenda Policisë së Kosovës kanë deklaruar se, nga zyra e financave është vjedhur kasaforta në të cilën dyshohet se ka pasur mjete financiare dhe çeka me vlerë.

Ndërkohë një zyrtar brenda kësaj ministrie në kushte anonimiteti ka thënë se, sot herët në mëngjes ka pasur forca të mëdha të policisë të cilët kanë dalë për të hetuar rastin. /Telegrafi/

 

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.