Përleshje mes dy familjeve, vritet një person në Leposaviq

10:33 / 4.06.2013

Pas një përleshje mes dy familjeve që ka ndodhur mbrëmë rreth mesnatës në Leposaviq, ka pasur të shtëna nga të cilat është vrarë 47–vjeçari i nacionalitetit serb, Kostic Milenko.

Sipas burimeve të Kosovapress-it, të shtënave në Leposaviq u ka prirë një përleshje e mëhershme në mes të gjashtë personave nga familja Kostic dhe Kostovic, për shkak të një parcele dhe vendit ku do të vendosej një kioskë.

“Babai dhe dy bijtë e familjes Kostovic kanë sulmuar familjen Kostic ku njëri nga anëtarët e kësaj familje është vrarë me armë zjarri”, kanë thënë burimet.

Ngjarjen e ka konfirmuar për Kosovapress edhe policia në Mitrovicë.

Zëdhënësi i saj, Besim Hoti, ka thënë se mbrëmë në Leposaviq ka pasur përleshje masive mes dy grupeve të personave, me ç’rast si pasojë e plagëve të marra nga armë zjarri një person ka humbur jetën. Sipas tij, hetimet rreth këtij rasti janë në proces. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.