“Snajperisti” shqiptar, plagoste kalimtarët me plumba plastikë

17:50 / 18.08.2013

Prej një jave policia e Sanremos në Itali ka qenë në lëvizje për gjetjen e një personi që plagoste kalimtarët me fishekë plastike nga një distancë e largët. Vetëm dje agjentët kanë arritur të gjejnë atë që në gjuhen e policisë po cilësohej si “snajperisti”.

Bëhet fjalë për një 20-vjeçar nga Shqipëri, me banim prej vitesh në Itali. Identiteti i tij nuk është bërë i ditur nga policia për arsye hetimore. Ai akuzohet se një javë më parë ka plagosur një adoleshent 15-vjeçar gjatë kohës që ky i fundit ishte duket udhëtuar me motor.

Ndërsa, dy ditë më parë, i riu shqiptar kishte qëlluar mbi një grup njerëzish që mbanin radhën në një mensë për të varfrit në rrugën "Merdiana". Gjatë qitjes nuk ka pasur të plagosur, por ngjarja shkaktoi panik dhe terrorizoi banorët.

Gjatë kontrollit në banesën e të riut, policia i ka gjetur një pushkë snajper të kalibrit të lartë, e njëjtë më ato që përdoret nga repartet speciale për vrasje në distancë, transmeton NOA.

Pushka ishte e modifikuar për tu përdorur me plumba plastikë, që kanë një rrezikshmëri më të vogël, por nëse qëllohet në kokë apo zemër nga një distancë e afërt mund të jenë vdekjeprurës.

Padia ndaj shqiptarit është bërë nga fqinjët e tij, të cilët kanë deklaruar se i riu dilet shpesh në tarracë dhe qëllonte pëllumba me armën. Policia ka marrë pushkën për ekzaminim balistik, pasi dyshohet se arma mund të jetë përdorur dhe për qëllime të tjera. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.