Mark Zuckerberg dhuron 500 milionë dollarë për bamirësi
Drejtori dhe themeluesi i Facebook, Mark Zuckerberg ka njoftuar sot se ai ka dhuruar afro 500 milionë dollarë në vlerë të aksioneve për një organizatë bëmirëse në Silicon Valley, me qëllim të financimit të shëndetësisë dhe çështjeve të edukimit.Zuckerberg dhuroi 18 milionë aksione me vlerë në Facebook, ose rreth 498.8 milionë dollarë. Përfituesi i këtij donacioni është Silicon Valley Community Foundation, një organizatë jofitimprurëse që punon me donatorët për shpërndarjen e dhuratave të tyre.
Ky është donacion më i madh i Mark Zuckerberg deri më sot. Ai kishte dhuruar 100 milionë dollarë për shkollat publike të Newark gjatë vitit 2010 , para se kompania e tij të regjistrohej në berzë. / Telegrafi /
