Faqja e re e Dotcom, Mega regjistron 1 milion përdoruesit e parë

15:31 / 21.01.2013

Faqja e re për shpërndarjen e dokumenteve nga Kim Dotcom, Mega, në ngjarjen e lansimit zyrtar ka njoftuar se tashmë ka arritur në 1 milionë përdoruesit e parë.

Gjatë fjalimit të tij hyrës, Dotcom ka dhënë disa porosi triumfuese lidhur me internetin, duke deklaruar se “interneti nuk i takon askujt, prandaj synimet e atyre që duan të dominojnë internetin janë kundër inovacionit dhe se këtoi tentime duhet të ndalen”.

Vetëm një orë pas lansimit, Mega ka arritur në 100 mijë përdoruesit e parë, për të arritur në një milionë pak orë më pas.

Kërkesa për regjistrim ka qenë e jashtëzakonshme, duke bërë që disa prej përdoruesve të parë të mos mund të qasen në shërbim. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.