WP8 pa aplikacionet e Google

12:35 / 13.12.2012

Nëse përdoruesit e telefonave të mençur mobil të cilët bazohen në sistemin operativ të Microsoft, Windows Phone, kanë qenë duke pritur shërbimet e Google në telefonat e tyre, ata duhet ta dinë se një gjë e tillë nuk do të ndodhë.

Clay Bavor, i cili është drejtor i menaxhimit të produkteve të Google, së fundmi ka thënë kompania e tij nuk planifikonë të ndërtojë aplikacione mobile për platformën e Microsoft.

"Ne nuk kemi asnjë plan për të krijuar aplikacione për Windows. Ne jemi shumë të kujdesshëm në lidhje me investimet tona, pasi që synojmë të jemi aty ku janë përdoruesit, por për momentin ne nuk do të kemi aplikacione në Windows ose Windows Phone 8. Nëse kjo gjë ndryshon, atëherë ne do të investojmë edhe aty, natyrisht. "

Në vend të kësaj platforme, duket se Google do t’i përqendrojë përpjekjet e saj në zhvillimin e aplikacioneve për platformën e tyre Android dhe gjithashtu për platformën e Apple, iOS. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.