2013: Samsung planifikon të shesë 510 milionë telefona
Nëse deri më sot nuk e keni ditur, Samsung tani është prodhuesi më i madh në botë i telefonave mobil, i cili ka shitur më shumë se 420 milionë modele të ndryshme.Dhe sipas të gjitha parashikimeve, rritja e kompanisë nuk është duke u ngadalësuar.
Korean Times ka raportuar se për vitin 2013, Samsung planifikon të rrisë shifrën e telefonave të shitur me më shumë se 20 për qind.
Ata synojnë të shesin rreth 510 milionë telefona në vitin e ardhshëm. Dhe kjo duhet arritur, nëse Samsung dëshiron të vazhdojë të konkurrojë me rivalin kryesor - Apple.
Për ta ruajtur pozitën e liderit në treg, Samsung ka një varg të telefonave në linjën e saj Galaxy që mbështetet në Android, dhe një numër në rritje të modeleve tjera që bazohen në Windows Phone. / Telegrafi /
