Samsung “sulmon” rivalin Nokia me modelet e telefonave Rex

23:35 / 17.02.2013

Samsung Electronics është duke lansuar një linjë të re të telefonave të quajtur Rex, me të cilën kompania synon të dominojë në tregjet në zhvillim.

Kjo lëvizje nga ekspertët e tregut shihet si fillim i një beteje mes Samsung dhe Nokia, përkatësisht linjës së saj të telefonave Asha, e cila poashtu synon të rinjtë në tregjet që janë ende të pangopura, me qëllim të plotësimit të hapësirave mes telefonave të thjeshtë dhe atyre të mençur. 

Seria e telefonave Rex të Samsung, përkatësisht modelet që përshkruhen si “seri e re dhe e mençur e telefonave të thjeshtë” përfshin modelet si Rex 90, 80, 70 dhe 60.

Tri modelet e para posedojnë ekrane të ndjeshme në prekje, ndërsa të gjitha modelet ofrojnë mundësinë e përdorimit të dy kartelave njëkohësisht. Telefonat e linjës Rex bazohen në sistemin operativ të bazuar në Java dhe ndërfaqen e përdoruesit TourchWiz, të ofruar nga Samsung. / Telegrafi / 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.