Samsung Galaxy S5 do të mbështjellet me alumin!

18:23 / 12.06.2013

Ndërsa, Samsung Galaxy S4 është në dispozicion për përdoruesit për një kohë të shkurtë, lideri botëror i telefonave mobil, Samsung tashmë ka filluar të bëjë plane për gjeneratën e re të telefonit të saj kryesor, Galaxy S5.

Në të kaluarën, kritikën e patën sulmuar prodhuesin jug-korean për përdorim të tepruar të plastikës, sepse sipas tyre ky material i bënte telefonat e Samsung të dukeshin të lirë, ndërsa konkurrentët e Samsung, menjëherë kanë filluar t’i përgjigjen rivalit të tyre me modele të reja, të cilat e evitojnë këtë material.

Konkurrentët e Samsung, si HTC, Sony dhe Nokia tashmë kanë lëshuar në treg modelet e tyre të reja të telefonave të cilët kanë mbështjellësin e metaltë, përkatësisht modelet si HTC One, Xperia Z, apo Lumia 925, duke u munduar të përfitojnë nga mangësia e telefonave të Samsung.

Por tani, sipas Geeks Android thuhet se në gjeneratën e pestë të telefonit të saj, Samsung Galaxy S5, kompania do ta mbështjellë telefonin me alumin, pasi që kjo është pjesë e strategjisë së njohur si Design 3.0.

Megjithatë, edhe kjo risi që do ta sjell Galaxy S5 do ta ketë disavantazhin e saj, pasi që përdoruesit më nuk do ta kenë mundësinë e zhvendosjes së baterisë së telefonit. Samsung Galaxy S5 nuk pritet të lëshohet në treg deri kah mesi i vitit të ardhshëm. / Telegrafi /

 

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.