Organizohet Digital Bootcamp në Prishtinë
Digital Bootcamp janë punëtori të cilat i dedikohen të rinjëve, por edhe gjeneratave më të vjetra të cilat po organizohen për të dytën herë me rradhë nga Innovations Lab Kosovo. Këto punëtori janë dizajnuar për fillestarë, dhe kanë për qëllim të dhurojë një hyrje të përgjithshme për disa vegla dhe platforma te ndryshme digjitale me kod të hapur të cilat ndihmojnë për avokim digjital.
Këtë rradhë Digital Bootcamp-I do të fokusohet në hartën me kod të hapur apo siç njihet ndryshe “OpenStreetMap, e cila është një projekt kolaborativë (bashkëpunues) për të krijuar harta të hapura dhe të editueshme në tërë botën. Digital Bootcamp do të mbahet më 13 Shkurt, 2013 në Innovation Lab Kosovo.
Digital Bootcamp do të ofrojë hyrje teknike në OpenStreetMap, duke kombinuar punën praktike përmes editimit të hartave në kohë reale, si dhe punë në terren që do të organizohen në të njëjtën ditë.
Për të marrë pjesë nuk kërkohet përvojë paraprake në zhvillimin e softuerëve. Ndërsa aplikimi për pjesëmarrje është falas dhe ju duhet ta mbushni formën e aplikimit online në linkun në vijim: http://kosovoinnovations.org/yap/digital-bootcamp
Afati i aplikimit do të mbyllet më 11 Shkurt në ora 17:00.
