Fillon shitja e Google Glasses me para-porosi!

15:01 / 20.02.2013

Bashkë me lansimin e videos zyrtare për Google Glasses, sot gjatë ditës Google gjithashtu ka filluar edhe pranimin e para-porosive për syzet e mençura, të cilat kushtojnë 1500 dollarë. Megjithatë, për t’i blerë syzet e Google, ju duhet të jeni njëri ndër personat me fat, pasi që Google ka vendosur që të hedhë në treg vetëm një sasi të limituar të tyre.

Vitin e kaluar, kur Google kishte zbuluar projektin e saj për krijimin e syzeve të quajtura Google Glasses kompania i kishte ofruar zhvilluesve një numër të limituar të tyre për testim, mirëpo me çmimin e njëjtë të cilin sot mund ta blejnë konsumatorët.

Google ka hedhur në treg vetëm 8000 njësi të Glasses, të cilat mund të para-porositen, mirëpo me një kusht të vogël. Secili blerës potencial duhet ta reklamojë produktin në Google+ ose në Twitter. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.