MWC: Asus prezanton tabletin Fonepad

18:51 / 25.02.2013

Bashkë me lansimin e Asus Padfone Infinity , kompania Asus ka debutuar edhe me një pajisije tjetër mobile në Kongresin Botëror Mobil, përkatësisht tabletin 7 inçësh – Asus Fonepad, i cili përveç funksioneve të kompjuterit tablet, mundëson edhe thirrjet e zakonshme telefonike.

Asus Fonepad posedon ekranin e ndjeshëm në prekje me 7 inç dhe rezolucionin prej 1280 x 800 pikselëve, procesorin e Intel Atom Z420, dhe sistemin operativ Android 4.1 Jelly Bean.

Karakteristikat tjera të Asus Fonepad përfshijnë edhe dy kamerat, atë frontale me 1.2 mega-piksel dhe atë të pasme me 3 mega-piksel.

Asus Fonepad mbështet edhe lidhjen me 3G, ndërsa i njëjti vjen edhe me 1GB RAM si dhe mundësinë e zgjedhjes mes 8 apo 16GB si memorie të brendshe. Çmimi i tabletit do të jetë 249 dollarë. / Telegrafi / 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.