Facebook Messenger për iPhone mundëson thirrjet me zë

11:02 / 17.01.2013

Facebook ka shtuar edhe një funksion të ri në aplikacionin e saj për iPhone– Facebook Messenger, të cilit tani i aka shtuar edhe mundësinë e realizimit të thirrjeve përmes rrjetit WiFi ose internetit në mobil.

Këtë funksion, Facebook fillimisht e ka vënë në dispozicion për platformën e Apple, iOS dhe atë vetëm në SHBA, mirëpo me siguri se ky nuk do të mbetet vendi i vetëm prej të cilit mund të përdoret aplikacioni i përditësuar.

Facebook Messenger për iPhone ka sjell versionin e ri 2.1.1 dje gjatë ditës, ndërsa thuhet se ky version ka bërë përmirësime të shumta në aplikacion, si për shembull: dërgimin e porosisë me zë, kur përdoruesit kanë më shumë për të thënë, thirrjen e miqve direkt nga aplikacioni, si dhe përmirësime tjera të dukshme.

Edhe pse nuk është dhënë asnjë datë për lansimin e këtij versioni të Facebook Messenger edhe për shtetet tjera ose sistemin operativ Android, një gjë e tillë pritet të ndodhë brenda javëve në vijim. / Telegrafi /
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.