KH Prishtina mposhtet në Luksemburg

22:22 / 1.12.2012

Shpresat për një kualifikim të mëtutjeshëm të prishtinasve u thyen nga klubi vendas i Handball Eschit, të cilët i mposhtën bardhekaltërit me rezultat, 31:22.

Klubi hendbollistik i Prishtinës udhëtoi në Luksemburg me plot shpresë që do të kualifikoheshin në raundin tjetër të garave, por një gjë e tillë nuk qe e mundshme për ta.

Një atmosferë e nxehtë e tifozëve të Eschit mbretëroi gjatë tërë ndeshjes dhe kjo si duket i ndihmoi lojtarëve vendas që t’i mposhtnin mysafirët me lehtësi.

Rezultati përfundimtar i këtij takimi ishte 31:22 dhe me këtë fitore Handball Esch vazhdon në rrethin tjetër të garave, ndërsa prishtinasit kthehen në Kosovë kryelartë, pasi që arritën së paku një herë ta mposhtin ekipin e Eschit. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.