Prishtina nuk di për humbje – Peja kryeson

19:42 / 19.12.2012

Sigal Prishtina ka regjistruar fitoren e radhës në BKT Superligën e Kosovës në basketboll. Viktima ishte Drita, të cilën e mposhti me rezultat 92-44.

Kjo përballje hapi takimet e mesjavës që njëherësh është xhiroja e fundit e stinorit vjeshtor në BKT Superligën e Kosovës në basketboll.

Bazuar në statistikat dhe cilësitë që posedojnë të dy skuadrat, prishtinasit konsideroheshin favoritë absolutë për fitore dhe ashtu ndodhi. Ata e shkatërruan Dritën në Pallatin e Rinisë dhe Sporteve në Prishtinë, me një epërsi të lartë prej 48 pikësh.

Prishtina me këtë fitore ka çuar në 12-të serinë e fitoreve rresht dhe si duket është në rrugë të mirë për t’u shpallur kampion.

Nga ana tjetër, Peja ishte tepër e fortë për klubin basketbollistik Kosova, të cilin e mposhti në shtëpi me rezultat 119-77.

Pejanët janë në krye të tabelës me pikë të barabarta me prishtinasit, nga 27-të.

Pozita e tretë i takon Sigkos Bashkimit (me 23 pikë) që në këtë xhiro mposhti si mysafir ‘RTV 21’ me rezultat 81-64. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.