FIBA e interesuar për ‘streetballin’ kosovar
Drejtori sportiv i FIBA-s për ‘Basketball 3x3’, Kosta Iliev, përmes një letre dërguar Federatës së Basketbollit të Kosovës ka shprehur interesimin e tij rreth ‘streetballit’ të Kosovës.Në letër thuhet se FIBA do të ishte e lumtur që të punojë me Kosovën dhe që ta përfshijë këtë të fundit në sistemin garues për 3x3.
“Tash për momentin gjendem në Dubai për një vizitë zyrtare, por kur të kthehem do të kontaktoj me ju lidhur me këtë çështje”.
“A mund të më dërgoni më shumë informacione për planet që keni për sezonin e ardhshëm?”, thuhet në letrën e tij dërguar FBK-së. /Telegrafi/
