Berisha ia plotësoi dy dëshira Seferit
Kryeministri Sali Berisha ka pritur në një takim boksierin shqiptar nga Maqedonia, Nuri Seferin, teksa është shprehur se ia ka plotësuar boksierit dy dëshirat më të mëdha të tij.“Për mua takimi me boksierin e madh shqiptar Nuri Seferi, kampion disa herë në peshën e tij në Evropë, ishte i veçante dhe mbresëlënës. Ai ishte i çiltër dhe shumë njerëzor në bisedë, ndonëse kundërshtarët e quajnë ‘Nuriu i tmerrshëm’”, ka shkruar Berisha në profilin e tij në Facebook.
“Nuriu kishte vetëm dy dëshira; pasaportën shqiptare me shqiponjë që i mungonte, të cilën donte ta vendoste edhe në ring, aty afër flamurit kombëtar dhe e dyta të zhvillonte një ndeshje për titull kampion i botës në Shqipëri. Ne ramë dakord për të dyja. Le t’i urojmë së bashku Nuriut fitimtar fitore te tjera të mëdha”, ka përfunduar kryeministri shqiptar./Telegrafi/
