Haxhi Krasniqi po stërvitet nga vëllezërit Klitschko

19:20 / 20.01.2013

Haxhi Krasniqi është duke vazhduar përgatitjet për sfidën e radhës, të 16 marsit, në të cilën do të ndeshet me Nathan Cleverly të Uellsit, meç ky i vlefshëm për titullin e botës në peshat gjysmë të rënda në versionin World Boxing Organisation (WBO).

Qe disa ditë boksieri shqiptar po stërvitet në shkollën e kampionëve të boksit, vëllezërve Klitshchko, Vitali dhe Vladimir, në mënyrë që të përgatitet për meçin kundër Cleverlyt.

Para këtij meçi ekspertët e boksit ndërkombëtarë parashohin që shqiptari mund t’i shkaktojë telashe uellsianit, pra nuk do ta ketë lehtë ta mbrojë titullin e botës.

Krasniqi deri më tashti ka zhvilluar 41 meçe profesioniste, prej të cilave 39 i ka fituar dhe kjo është hera e parë që sfidon një titull të botës. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.