Besa kthen Kasapin

19:26 / 20.01.2013

KF Besa po vazhdon realizimin e planit për të rikthyer të gjithë futbollistët që i kanë ikur viteve të fundit, për sezonin pranveror të Superligës së Kosovës.

Pas Fisnik Papuqit, Krenar Vokshit dhe Fisnik Gashit, të premten në “Shahin Haxhi Islami” ka arritur edhe një tjetër ish-lojtar i ekipit pejan, Fitim Kasapi, duke e shtuar në katër numrin e tyre që u kthyen.

“Kam arritur marrëveshje gjashtëmujore me Besën dhe jam shumë i lumtur për këtë”.

“Ka disa javë që kishim filluar bisedimet me Besën, por në mungesë të kryetarit ishim në pamundësi që të kryejmë punën, që e kishte lënë këtë çështje të hapur, por edhe mundësinë që të mbetem edhe më tutje në Çelik”.

“Por po përsërisë që jam i lumtur që sërish jam në kthyer në klubin tim”, citon Zëri fjalët e Kasapit, i cili së fundmi ka luajtur në futbollin malazez, me ekipin e Çelikut. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.