Ryan White, lojtar i KB Trepçës
Skuadra e Trepçës, pas shumë problemeve me lojtarë të huaj, duket se tashmë ka gjetur edhe lojtarin e tretë dhe kështu është kompletuar për stinorin pranveror. Plejmejkerin White, stinorin vjeshtor e kaloi duke luajtur për RTV 21-shin.“Jemi shumë të kënaqur, pasi arritëm të sigurojmë shërbimet e Ryan White, pasi dy lojtarët e huaj që ishin në prova, nuk arritën të bindin trajnerin”.
“Pasi kuptuam që White tashmë është lojtar i lirë, ne menjëherë u interesuam që të sigurojmë shërbimet e tij, pasi bëhet fjalë për një basketbollist mjaft cilësor, që së fundi është dëshmuar edhe te skuadra e RTV 21”, ka deklaruar menaxheri i Trepçës, Lenart Vidishiqi, për ‘Sport’./Telegrafi/
