Shaqiri ia dhuroi presidentes një fanellë

23:24 / 1.02.2013

Presidentja e Republikës së Kosovës, Atifete Jahjaga, të premten në Munih ka zhvilluar një takim me futbollistin e Bayern Munichut, me prejardhje nga Kosova, Xherdan Shaqiri.

Jahjaga e përgëzoi Shaqirin për lojën dhe shpirtin sportiv që po e tregon në fushën e futbollit. Ajo tha se të rinjtë nga Kosova kanë treguar vlerat e tyre kudo në botë, në të gjitha fushat dhe po dëshmojnë gjithë talentin e tyre në të gjitha fushat e jetës.

Sportisti me prejardhje nga Kosova, i cili në takim ishte bashkë me familjarët, e falënderoi presidenten për pritjen dhe për mbështetjen që po i jep sportit dhe të rinjve në përgjithësi në punën e tyre.

Xherdani në shenjë respekti ia dhuroi presidentes simbolikisht një fanellë të tij me të cilën paraqitet në ekipin e Bayernit. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.