Liridon Ahmeti nuk arrin marrëveshje me Trepçën ‘89
Mbrojtësi Liridon Ahmeti nuk ka gjetur gjuhë të përbashkët me skuadrën e Trepçës ‘89, ka bërë të ditur trajneri Gani Sejdiu.“Liridon Ahmeti që nga dita e martë nuk është me ne. Ai nuk ka arritur të gjejë gjuhë të përbashkët rreth kushteve financiare me drejtuesit e skuadrës", ka thënë Sejdiu për Kohën Ditore.
Ahmeti së fundi ishte pjesë e skuadrës tjetër nga Mitrovica, Trepça, por në javët e fundit po stërvitej me Trepçën '89 me shpresën se do të merrej vesh për kontratë.
Trepça '89 gjatë janarit u përforcua me Taulant Dajakun, Florent Sejdiun e Labinot Jetullahun. /Telegrafi/
