0Shares

Presidenti i Iranit, Mahmud Ahmadinexhad ka shkarkuar sot të vetmen ministre në kabinetin e tij, ministren e Shëndetësisë, Merzijeh Vahid Dasterxherdiev, njoftoi televizioni shtetëror iranian.

Dastxherdiev, me profesion gjinekologe, ishte ministrja e parë iraniane që nga “revolucioni” islamik i ajatollahëve në vitin 1979, transmeton agjencia Reuters, citon Koha.net.

Para jo shumë kohësh, kjo ministre kritikoi pushtetin për mungesë të disa ilaçeve më të nevojshme për kancer, sklerozë, sëmundje gjaku dhe sëmundje tjera serioze.

Ajo pos tjerash, pati thënë që nga 2.4 miliardë dollarë të planifikuar për ilaçe në vitin 2012, deri tashti janë paguar vetëm një e katërta e këtyre mjeteve dhe shtoi se ajo nuk di se ku është pjesa tjetër më e madhe e këtyre mjeteve të destinuara për furnizim me ilaçe.

Ajo pati shtuar që ka dëgjuar që me dollarë të subvencionuar paguhet importi i automjeteve luksoze.

Irani prodhon vet 97 për qind të ilaçeve që përdoren në këtë vend, por shumë elemente përbërëse të atyre ilaçeve importohen. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)