Organi Shqyrtues i Prokurimit Publik ka çuar në rivlerësim tenderin për Furnizim dhe montim të kamerave në semafor dhe në shkolla të Komunës së Prishtinës, duke e shpallur të papërgjegjshëm fituesin e tenderit “Alarm Profesional”. Krejt kjo pasi që kompania “Botek”, pjesëmarrëse në tender është ankuar për një sërë shkeljesh të dispozitave të Ligjit mbi Prokurimin Publik.
Lidhur me pretendimet e Operatorit Ekonomik “Botek”, eksperti shqyrtues ka konstatuar se procedura e ekzaminimit, vlerësimit dhe krahasimit të tenderëve nuk është bërë konform nenit 59 të Ligjit mbi Prokurimin Publik, si dhe nuk janë trajtuar në mënyrë të barabartë të gjithë Operatorët Ekonomikë konform nenit 7 të LPP-së.
Ndërsa gjatë prezantimit në seancë, pala ankuese deklaroi se e mbështet raportin e ekspertit shqyrtues, mirëpo nuk është pajtuar me konstatimin e ekspertit që ka të bëjë me garancionin e pajisjeve, të kërkuara nga Autoriteti Kontraktues për 36 muaj.
“Me duhet të deklaroj se kompania e cila ka fituar tenderin ka dy deklarata të garancionit ku jep vetëm 12 muaj garancion në të dyja deklaratat, ndërsa prodhuesi garanton edhe për 2 vjet të tjera, gjë që është në kundërshtim me kërkesat e AK-së, sepse vetë OE i rekomanduar për kontratë, duhet ta japë deklaratën e garancionit të pajisjeve”, ka thënë pala ankuese, shkruan “Zëri”.
Paneli Shqyrtues, pas shqyrtimit të shkresave të lëndës, raportit të vlerësimit të komisionit vlerësues të Autoritetit Kontraktues, shqyrtimit të pikave pretenduese të parashtruesit të ankesës, konstatimeve, analizën konkrete dhe rekomandimin e ekspertit shqyrtues të cekur në ekspertizë, ka konstatuar se Autoriteti Kontraktues në dosje të tenderit, te specifikimet teknike të detyrueshme është kërkuar Switch 24 porte 10/1Oil OOOMbps dhe 4sfp ports, ndërsa fituesi i tenderit, kompania “Profesional Alarm” nuk e ka plotësuar në tërësi këtë kërkesë të dosjes së tenderit, pasi që ka ofruar Switch 24 porte 10/10/1 OOOMbpsdhe 2sfp ports.
Paneli shqyrtues po ashtu duke u bazuar në shkresat e lëndës konstaton se Autoriteti Kontraktues gjatë vlerësimit të ofertave, nuk e ka respektuar kërkesën e paraparë tek specifikimet teknike ku parashihet që kamerat të mos shpenzojnë energji elektrike më shumë se 4 Watt, ndërsa kompania “Profesional Alarm”, ka ofruar kamerat që shpenzojnë energji elektrike 4.5 Watt.
Përfshirë të gjitha këto Paneli shqyrtues kishte konstatuar se ankesa e kompanisë “Botek”, është e bazuar, pasi që Autoriteti Kontraktues, gjatë ekzaminimit, vlerësimit dhe krahasimit të tenderëve, ka rekomanduar për kontratë Operatorë Ekonomikë të papërgjegjshëm, në kundërshtim me nenin 59 të LPP-së, pasi që ky OE nuk i ka plotësuar specifikimet e detyrueshme teknike, si dhe nuk është bërë trajtimi i barabartë i OE ofertues konform nenit 7 të LPP-së. Përfaqësuesi i kompanisë “Botek”, Ilmi Asllani, pjesëmarrës në këtë tender pas vendimit të OSHP-së që tenderi të shkojë në rivlerësim pretendon se do të jenë fitues të këtij tenderi.
“Pjesëmarrës ishim tre operatorë, i pari është shpallur i papërgjegjshëm, tash presim pas rivlerësimit të kemi një përgjigje pozitive për ne. Kjo është procedurë e rregullt, realisht nuk ka shumë punë dhe nuk mund të zgjatë shumë, brenda javës kryhet sigurisht”, ka thënë Asllani.
Ai është shprehur i bindur se ankesa e tyre do të merret parasysh. “Katër pika thelbësore nuk janë përmbushur nga operatori i parë, ne i kemi ankimuar, qartësuar me saktësinë më të madhe dhe nuk ka asnjë dilemë aty”, ka thënë ai duke shtuar se vlera e tenderit është afër 90 mijë euro.
Ndërsa përfaqësues të kompanisë së cilës i është marrë tenderi “Alarm Profesional” thonë se nuk janë të njoftuar për një gjë të tillë. “Nuk kemi asgjë zyrtare, nuk jemi të njoftuar, andaj preferojmë të mos flasim për këtë gjë”, ka thënë Amir Statovci nga kjo kompani. /Telegrafi/
Promo
Reklamo këtuLufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Shijo detin e krejt stinëve në “Holiday In 2”
Nga pushimet e punëtorëve e deri tek menaxhimi i inventarit - përmes AveHR mund t’i digjitalizoni Burimet Njerëzore
Nagip Krasniqi shkarkohet nga pozita e kryeshefit të KEK-ut
Saktësi, efikasitet dhe rehati - Ultratingulli revolucionar SonoMax 9
Fermerët duhet të jenë të gatshëm për organizimin e tregut të përbashkët deri më 2030
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën