0Shares

Kanë filluar analizat laboratorike edhe të qumështit vendor, për të verifikuar praninë apo jo të substancës aflatoksinë. Zyrtarë për informim në Agjencinë e Ushqimit dhe Veterinarisë në Kosovë, thonë se mostrat nga qumështi i papërpunuar nga 18 fabrika vendore janë duke iu nënshtruar analizave preliminare laboratorike, ndërkaq rezultatet pritet të dalin së shpejti.

Substanca kancerogjene aflatoksinë dyshohet të ketë qenë e pranishme në disa lloje të qumështit të importuar nga vendet e rajonit, të cilat janë larguar nga tregu.

Aflatoksina është substancë myko-toksike natyrore, e formuar nga kërpudha të caktuara në zinxhirin ushqimor të kafshëve. Formohet në periudhën e korrjeve ose pas korrjeve, nga thatësia, si dhe tek ushqimi i kafshëve, i cili qëndron për një kohë të gjatë në ambiente të mbyllura, raporton Koha.

Aflatoksina është substancë kancerogjene që sulmon mëlçinë, dhe prania e sasisë së kësaj substance në ushqim, është e rregulluar me ligj. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)