Arrestohen tre persona të dyshuar për “lëndim trupor”

Dje, në orët e pasdites, njësiti policor në Skenderaj, i është përgjigjur një thirrje emergjente në një rast me elemente të veprës penale ‘lëndim trupor’. Rasti është raportuar në orën 16:00 të datës 3 maj 2016, ngjarje kjo e ndodhur në fshatin Mikushnicë të Skenderajt.

Ngjarja fillimisht ishte raportuar për një rrahje në mes të disa personave.

Njësitë policore me të arritur në vendin e ngjarjes bëjnë të ditur se si pasojë e të rrahjes lëndime kishte pësuar viktima H. Dh. 45 vjeçar, i cili është dërguar në spitalin rajonal në Mitrovicë për tretman mjekësor.

Në bazë të të dhënave të para të siguruara Policia ka identifikuar identitetin e tre personave të dyshuar: I. F. 33 vjeçar, P. F. 26 vjeçar dhe A. F. 17 vjeçar.

Nga hetimet e para, bazuar në deklaratat e siguruara, dyshohet që veprës penale i ka paraprirë një zënkë e çastit ndërmjet të dyshuarve dhe viktimës.

Pas procedurave intervistuese me urdhër të prokurorit kompetent dy të dyshuarve u është caktuar masa e ndalimit për 48 orë, ndërsa i dyshuari A. F. është liruar për procedurë të rregullt.

Rrjedha hetimore e deritanishme si dhe elementet përbërëse të ngjarjes sipas prokurorit kompetent rasti po hetohet si vepër penale ‘ lëndim trupor ’. /Telegrafi/