0Shares

Policia e Kosovës njoftoi se ka arrestuar një person të dyshuar lidhur me vrasjen e shtetasit, Rexhë R në Ujmir të Klinës.

Në kumtesën e Policisë thuhet se më 15.01.2013 rreth orës 14:30, pas disa veprimeve operativo-hetimore oficerët hetues nga Njësiti i Hetimeve Rajonale kanë arritur të identifikojnë personin e dyshuar, rreth 45 vjeçar, si kryerës i vrasjes së shtetasit Rexhë R.

“Ekipi i Hetimeve Rajonale së bashku me njësi të NjSO-së, kanë kontrolluar shtëpinë e të dyshuarit, dhe me atë rast i dyshuari është arrestuar, ndërsa janë gjetur dhe konfiskuar edhe një pistoletë ‘M-57’ e cal.7.62x25mm, si dhe një karikator me gjashtë fishekë të cal.7.62x25mm”, thuhet në kumtesë.

I dyshuari pas intervistimit, me urdhër të prokurorit është ndaluar për 48 orë, ndërsa policia thekson se hetimet janë duke vazhduar. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)