0Shares

Bashkimi Evropian i quan zyrtarë ndërlidhës Lulëzim Pecin e Dejan Pavicevicin, të emëruar nga Qeveria e Kosovës, përkatësisht ajo e Serbisë, si diplomatë që do të përfaqësojnë shtetet e tyre në Prishtinë dhe Beograd .

Zyra e BE-së në Prishtinë ka thënë se krejt çka kanë mundur të thonë përfaqësuesit evropianë është se iu takon kryeministrave të dy vendeve t’iu sqarojnë qytetarëve të tyre se çka u morën vesh në Bruksel.

“Të gjitha përgatitjet e nevojshme janë bërë për të akomoduar oficerët ndërlidhës në të dy shtetet. Për momentin po punohet në detaje. BE-ja është këtu thjesht për të dhënë ndihmë në implementimin e marrëveshjeve, ndërkaq u përket dy kryeministrave t’u sqarojnë qytetarëve të tyre se çka janë marrë vesh”, ka thënë për KTV zëdhënës i Zyrës së BE-së në Kosovë, Stojan Pelko.

Dejan Pavicevic është caktuar nga Serbia oficer ndërlidhës i tyre në Kosovë, si rrjedhojë e marrëveshjes së arritur mes Thaçit e Dacicit.

Ndërsa Lulzim Peci, i caktuar nga Qeveria e Kosovës, do të niset në drejtimin e kundërt. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)