0Shares

Kryeministri shqiptar, Sali Berisha takoi në Munchen zv/presidentin amerikan, Joe Biden. Lajmi është bërë i ditur nga vetë kryeministri nëpërmjet faqes së tij në rrjetin social Facebook. Sipas Berishës, Biden ka shprehur dëshirën për të vizituar Shqipërinë.

“Sot në mëngjes, i ftuar kryesor në Konferencën e 49 të Sigurisë ishte zëvendës presidenti i SHBA-së, Joe Biden. Unë shfrytëzova rastin ta takoj direkt dhe ta uroj përzemërsisht për rizgjedhjen, si dhe ta ftoj të vizitojë Shqipërinë. Biden më tha se Shqipëria është një nga vendet që ai donte më shumë dhe se do ta vizitojë me kënaqësi”, shkroi Berisha, informon BW.

Berisha tha ndër të tjera se “Për mua ishte një kënaqësi e veçantë se unë përfaqësoja Shqipërinë anëtare e NATO-s, vend që në kuadrin e kësaj Aleance kontribuon në sigurinë globale”. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)