0Shares

Qeveria e Kosovës duket se ka hequr dorë nga lista e emrave të propozuar për anëtar të Bordit të Agjencisë Kosovare të Privatizimit.

Lista e emrave të propozuar është kthyer mbrapsht nga Kuvendi.

Sekretari i përgjithshëm i Zyrës së kryeministrit, Fitim Krasniqi, ka thënë se Kuvendi e ka dërguar kërkesën në Kryeministri. Ai ka thënë se kërkesa e Kuvendit ka shkuar në kabinet të kryeministrit dhe se do të procedohet për mbledhje të qeverisë për ndërrim të vendimit, shkruan Koha Ditore.

“Nëse kërkesa kishte të bënte vetëm për plotësimin e CV-ve atëherë ajo ka qenë punë teknike dhe kërkesa për një gjë të tillë do të vinte këtu tek ne, por fakti që ka shkuar në kabinet tregon se me siguri do të ketë ndërrim të emrave”, ka thënë Krasniqi. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)