Enis Abdullahu është ndër fotografët më të angazhuar, i cili me punën e tij dinamike, atraktive dhe intensive, tashmë disa vjet e entuziazmon skenën e modës të vendit tonë.
Ky artisti i talentuar me fotografitë e tij dëshiron të nxjerrë në pah bukurinë dhe kreativitetin e mendjes, ëndrrat dhe nostalgjinë.
Fotografitë e tij flasin vetvetiu, ndërkaq vëzhguesit i është lënë që t’i përjetojë në mënyrën e vet duke ia provokuar fantazinë dhe duke e nxitur që të mendojë.
Entuziazmi i madh, spiritualiteti dhe talenti i Enis Abdullahut janë vetëm disa nga karakteret e këtij krijuesi të ri. Ne, në një pasdite, e ndamë nga aktivitetet për t’ia bërë disa pyetje për Telegrafin.
Enis, si e kujtoni kohën kur ju filluat të merreni me fotografi, pra, si nisi kjo “aventurë”?
Që nga fëmijëria ime, disi më ka pëlqyer fotografia; çdo ditë vëzhgoja shkrepjet e një fotografi të qytetit tim, i cili kapte momente dhe fytyra të njerëzve, ndërsa më vonë i ekspozonte në dritaret e studios së tij…sa ia kisha zili. Në shtëpi, unë isha ai që vrapoja pas aparatit dhe nuk kisha dëshirë të jem në anën tjetër të objektivit. Më vonë, gjatë kohës kur vëllai ishte për studime në Tiranë, më bëri një dhuratë aparatin tim të parë profesional. Nga ai moment, fillova aventurën time me fotografinë.
Kush t’i ka vlerësuar fotografitë e bëra në fillimin e karrierës suaj si fotograf?
Siç e thash, vlerësuesi im i parë ishte vëllai, pastaj shokët dhe rrethi me komentet e tyre pozitive që më shtynë tutje. Por, nuk mund ta harroj pa e cekur personin kryesor që më mbështeti – babanë me shpirtin e tij artistik.
Si e keni definuar ju artin e fotografisë?
Arti, sipas mendimit tim, është aftësi e transmetimit të porosive personale publikut të gjerë, ose, së paku, pjesërisht. Të gjithë ne jemi të ndryshëm dhe gjithsesi tregimin tonë e transmetojmë në mënyra të ndryshme. Është me rëndësi që ai tek njerëzit të zgjojë emocione dhe t’i nxisë të mendojnë. Ajo që është më e bukura te arti është që e vetmja gjë që mbetet pas teje është që ke bërë punën dhe angazhimin tënd, veprën tënde artistike, çfarëdo qoftë ajo. Kur e di që pas vetes i ke lënë diçka botës të plotëson, ke lënë gjurmë diku dhe dikur.
Në çka mbështetesh kur fotografon?
Për shumicën edhe një fije kashte u është shpëtim i syve vetjakë. E vështroj këtë si proces, marr parasysh të gjithë parametra të cilët i kam, përcaktoj se çfarë dëshiroj të arrij dhe pastaj ia filloj. Është shumë me rëndësi që kur fotografoni dikë e kuptoni ku është kufiri deri ku mund të shkoni. Mbështetem në analizë, dritë, komunikim dhe post-produksion, d.m.th. në atë proces timin, të cilin ia kam imponuar vetes si diçka në çka mbështetem. Shpesh kjo është edhe improvizim.
Cila është gjëja më e bukur e të qenit fotograf?
Kjo përgjigje kap një spektër të gjerë, por unë do ta përmendi vetëm një që më mbanë të lidhur për fotografinë – kapja e momentit dhe mbajtja e tij përgjithmonë.
Frymëzimet sigurisht që janë të shumëllojshme. Veçoni ndonjërën prej tyre që ka lënë edhe më shumë gjurmë në dorën tuaj?
Arritja e përcjelljes së mesazhit, shkrepja e së bukurës dhe lidhjet që i krijoj nëpërmjet fotografisë me subjektet e ndryshme.
Ajo që bie në sy në punët tuaja është një paraqitje “e fortë dhe delikate” e bukurisë femërore. Çfarë të ngacmon te ky sensualitet femëror?
Në fokus kam paraqitjen e bukurisë femërore dhe atë mundohem ta kombinoj, jo vetëm me bukurinë fizike, por edhe sensualitetine tyre, që rezulton me një rrezatim dydimensional në fotografitë e mija.
Shumë femra të bukura dhe me nam, tashmë kanë kaluar para aparatit tënd. Thjeshtësia mund të sjellë një fotografi më të bukur?
Thjeshtësia dhe spontaniteti sjellin fotografi të bukura. Gjatë fotografimit, unë dëshiroj të kapi momentin dhe të bukurën. Kjo që rezultoi me famë për vajzat në anën tjetër të objektivit, ishte vetëm një kënaqësi shtesë për mua.
Cilat janë modelet apo vendet më të njohura që i keni fotografuar?
Modele që kam fotografuar ka shumë, mirëpo unë do t’i përmendi vetëm ato që ishin pjesë e projekteve të fundit: Kaltrina Neziri, Morena Taraku dhe Ana Kabashi. Ndërsa, kam fotografuar bukuritë e të gjitha trojet tona shqiptare, pastaj në Mal të Zi, Hungari, Turqi, Kroaci, Greqi; porse kam plane të vizitoj vende ekzotike për ta pasuruar edhe me shumë krijimtarinë time.
Çfarë mund t’i ofrojmë ne botës…A mendoni se se ne kemi ende bukuri për “të ofruar”…?
Gjithsesi! Secili individ është i veçantë dhe na takon neve si fotografë ta sjellim në pah atë bukuri. Gjithashtu çdo gjë që na rrethon, natyra – është gjithnjë në lëvizje, në transformim e sipër, dhe gjithnjë ekziston dikush apo diçka e bukur që ia vlen ta fotografosh.
Sa shpërblehet puna artistike dhe sa çmohet krijimtaria artistike, sa është interesimi për artin e bukur?
Puna dhe krijimtaria artistike nuk vlerësohen shumë, por ka shenja që gjërat po ecin në drejtimin e duhur, ku arti po pëlqehet dhe interesimi për të çdo ditë është më i madh nga ana e brezit te ri.
Përpos kënaqësisë që ju ofron realizimi i fotografive, cilat janë vështirësitë e mundshme të cilat ju përcjellin në këtë profesion?
Figurativisht do ta them me “zë” – Lëvizja e lirë është pengesa kryesore. Pamundësia e pjesëmarrjes nëpër ngjarje të ndryshme të fotografisë nëpër Evropë e kudo tjetër. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Shkurta Haxhiu: Asgjë nuk mund ta evitojë atë që fati të ka përcaktuar
Atdhe Hykolli, kryetar i BSPK-së: Intervistë me shkas e me shkak
Shkencëtarja Dr. Lumnije Kqiku-Biblekaj për çmimin “Personalitet nderi me medalje të artë” në Graz: Shkencën dhe mjekësinë i ndjej në shpirt
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Bujar Osmani shpall fitore: Dallimi është mbi 40 mijë vota ndaj Taravarit
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Del rezultati përfundimtar në Gostivar, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert