Ministri i Punëve të Jashtme të Shqipërisë, Ditmir Bushati, gjatë qëndrimit të tij në Nju Jork në kuadër të Sesionit të 71-të të Asamblesë së Përgjithshme të OKB-së, zhvilloi një takim me Përfaqësuesen e Lartë të BE-së për Politikën e Jashtme dhe Sigurisë, Federica Mogherini.
Ministri Bushati dhe Mogherini shkëmbyen pikëpamje mbi zhvillimet më të fundit në rajon dhe thellimin e bashkëpunimit ndërmjet BE-së dhe Ballkanit Perëndimor. Ata gjithashtu u ndalën në arritjet e rëndësishme në vend, veçanërisht përmbushjen e prioriteteve kyçe për çeljen e bisedimeve të anëtarësimit.
Përfaqësuesja e Lartë vlerësoi angazhimet e ndërmarra për përmbylljen e paketës kushtetuese lidhur me reformën në drejtësi, si dëshmi e vullnetit të qëndrueshëm politik për të avancuar në këtë proces.
Ministri Bushati konfirmoi vendosmërinë e qeverisë shqiptare për të vijuar me reformat shtet-konsoliduese dhe theksoi se në këtë kontekst, miratimi me unanimet i ndryshimeve kushtetuese për reformën në drejtësi dhe fillimi i procesit të zbatimit të saj përfaqëson një arritje domethënëse në këtë drejtim dhe përbën bazë solide për çeljen e bisedimeve të anëtarësimit.
Përfaqësuesja e Lartë rikonfirmoi angazhimin dhe mbështetjen e BE-së për këtë reformë jetike për vendin, zbatimi i së cilës është vendimtar edhe për rrugëtimin evropian të Shqipërisë. Duke u ndalur tek zhvillimet në rajon, u vlerësua roli konstruktiv dhe pro-aktiv i Shqipërisë dhe linjëzimi i saj i plotë me qëndrimet e BE-së në fushën e politikës së jashtme dhe sigurisë.
“Në takimin me Ministrin e Punëve të Jashtme të Gjermanisë Frank-Walter Steinmeier, dy ministrat çmuan marrëdhëniet e shkëlqyera midis Shqipërisë dhe Gjermanisë dhe angazhimin e përbashkët për t’i avancuar më tej ato, në vijim të hapave pozitive të viteve të fundit. Dy Ministrat u ndalën në rëndësinë e avancimit të mëtejshëm të Shqipërisë në agjendën evropiane, zhvillimet më të fundit në rajon, sfidat e sigurisë dhe rrugëtimin evropian të Ballkanit Perëndimor”, thuhet në një komunikate të Ministrisë së Punëve të Jashtme,.
Ministri Steinmeier vlerësoi rolin e posaçëm që Shqipëria luan në rajon, e në këtë kuadër, dy ministrat evidentuan impaktin pozitiv të Procesit të Berlinit, i cili ka jetësuar një bashkëpunim të përforcuar mes vendeve të Ballkanit Perëndimor.
Ministri Bushati e njohu kolegun gjerman me zhvillimet më të fundit në vend, vendosmërinë e qeverisë shqiptare për përmbylljen e paketës ligjore të reformës në drejtësi, si një hap kyç për forcimin e shtetit ligjor në vend dhe me ndikim të drejtpërdrejtë në avancimin e Shqipërisë drejt integrimit evropian.
Ministri Steinmeier theksoi mbështetjen e vazhdueshme të Gjermanisë për procesin e reformave shtet-konsoliduese që ka ndërmarrë qeveria shqiptare në funksion të rrugëtimit evropian dhe sundimit të ligjit në vend. /Telegrafi/
Promo
Reklamo këtuLufta Prigozhin - Putin
Më shumëKSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën