Buxheti i vitit 2012 sipas raportit vjetor të Ministrisë së Financave, të prezantuar të premten, do të ketë deficit buxhetor prej 2.2 për qind. Por, se ky deficit nuk do të paraqet ndonjë problem për shkak se do të arrihet të mbulohet 10 për qind, bën të ditur ministri i Financave, Bedri Hamza.
Bilanci bankar, sipas tij, do të ketë rritje në krahasim me vitin paraprak. Niveli i shpenzime dhe të hyrave, siç thekson Hamza, është rritur dhe deri në fund të vitit buxheti i Kosovës do të ketë 260 milionë euro më shumë. “Fillimisht kemi planifikuar një deficit më të madh rreth 3 për qind, mirëpo gjithmonë deficiti është më i vogël se sa deficiti i projektuar si rezultat i nën- shpenzimeve në disa kategori ekonomike. Presim që edhe për këtë vit deficiti primar të jetë më pak se 2 për qind, por presim të dhënat përfundimtare në përmbyllje të vitit fiskal”, thotë Hamza.
Ekzekutimi i buxhetit të Kosovës për vitin 2012 , thotë Hamza, deri më tani është bërë në masën mbi 92 për qind dhe gjithsej janë shpenzuar 1 miliard 461 milionë euro.
Ndërkaq, dy institucionet më të rëndësishme për mbledhjen e të hyrave, Administrata Tatimore dhe Doganat e Kosovës, kanë arritur t’i realizojnë parashikimet e Qeverisë së Kosovës gati 100 për qind.
Këto dy institucione deri më tani kanë arritur t’i mbledhin së bashku 1 miliard e 510 milionë euro.
Sipas parashikimeve të ekzekutivit, Dogana e Kosovës duhet të grumbullojë 860 milionë euro, derisa ATK-ja 285 milionë euro.
Sa i përket rritjes ekonomike dhe trendëve tjerë në aspektin ekonomik, Bedri Hamza thotë se është shënuar progres në disa fusha, por ka pasur edhe rënie siç janë eksportet. “Rritja ekonomike për vitin 2012 do të jetë 3.9 për qind, inflacioni 2.5, eksportet e mallrave kanë shënuar rënie për 3.5 për qind. Importet ka shënuar një ngritje të lehtë për 2.1 për qind, konsumi 2 për qind, kurse për investimet në total kemi rritje 5.9 për qind dhe Kosova ka arritur që të ketë borxhin publik më të voglin në rajon dhe atë 8.59 për qind”, sqaron Hamza.
Zhvillimet ekonomike në Kosovë, në anën tjetër, kritikohen nga ekspertët e çështjeve ekonomike. Agron Demi nga Instituti për Hulumtime të Avancuara thotë se ekonomia e Kosovës gjatë vitit 2012 nuk ka shënuar ndonjë progres të dukshëm. “Në dy vitet e fundit me ndarjen e Ministrisë së Financave me atë të Ekonomisë, është vërejtur që së paku Ministria e Financave ka arritur që të bëjë një menaxhim më të mirë, por asnjëherë buxheti i Kosovës nuk ka qenë një instrument, i cili ka krijuar rritje ekonomike. Ajo që është thënë se ka rritje ekonomik 3.9 për qind është bërë traditë të fryhet, pasi që rritja ekonomike në Kosovë nuk është më shumë se 3 për qind”, vlerëson Demi.
Mbledhja e të hyrave për buxhetin e Kosovës vetëm nga Doganat dhe Administrata Tatimore e Kosovës, thekson Demi, nuk është një praktikë e mirë pasi që, siç thotë ai, janë të hyra të paqëndrueshme dhe që ndikojnë në rritjen e deficitit të lartë tregtar. “Grumbullimi i të hyrave vetëm nga Doganat dhe ATK-ja nuk është politikë e gabuar, pasi që ne po përqendrohemi vetëm tek importi i mallrave, të cilat eksportojnë para, importojnë mallra dhe kjo po ndikon në deficit të lartë tregtar”, thekson Demi. /Rel/Telegrafi/
Promo
Reklamo këtuLufta Prigozhin - Putin
Më shumëKush është vajza biznesmene që po pushton tregun muzikor?
24 orë na ndajnë nga ngjarja e madhe Halving në Bitcoin
Mesazhet iraniane ulën çmimet e naftës në tregun botëror
Kosova përfiton 90 milionë euro nga Banka Botërore
3, 2, 1 - Volvo gati për ty!
Telegrafi fuqizon shërbimet e marketingut duke sjell reklamim atraktiv
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi