0Shares

Sekretarja amerikane e shtetit, Hillary Clinton, pritet që javën e ardhshme të kthehet në punë, pothuajse tri javë pasi plani i saj i punës u anulua për shkak të një tronditjeje.

Një zëdhënës i Clintonit tha se ajo po vazhdon të shërohet në shtëpi, por javën e ardhshme do ta vazhdoj punën në zyrë. Këtë javë ajo nuk do të ketë aktivitete.

Siç transmeton “Evropa e Lirë”, zyrtarët dhe mjekët thonë se Clinton kishte marrë një virus të barkut gjatë turneut të saj në Evropë, në fillim të këtij muaji, me ç’rast u dehidrua, pastaj i kishte rënë të fikët, ishte rrëzuar dhe kishte rënë me kokë.

Më 13 dhjetor ajo ishte diagnostikuar me tronditje dhe nuk është parë në publik.

Sëmundja e detyroi atë që ta anuloj një udhëtim tejoqeanik dhe paraqitjen në një dëgjim në Kongres.

Pritet që në fillim të vitit 2013, Hillary Clinton, do të tërhiqet nga posti i saj i sekretares amerikane të shtetit. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)