0Shares

Kontratat e naftës ranë në sesionin e së hënës. Çmimi i naftës është i presuar nga raporti i Bankës Botërore për performancën e ekonomisë globale që në tregun energjetik zgjon shqetësimet për masën e konsumit të naftës bruto.

Megjithatë masa e rënies së çmimit të kontratave në ditën e sotme ka qenë e kufizuar nga tensioni në lindjen e mesme ku përfshihet sulmi me bombë i fushës gazmbajtëse të Algjerisë.

Nafta bruto Brent e Londrës për marsin ra 13 cent në 109.55 dollarë për fuçi. Kurse nafta bruto amerikane për shkurtin ra 42 cent në 93.82 dollarë për fuçi.

Në treg ka pritshmëri që OPEC-u të premten të raportojë rënie të parashikimit të konsumit të naftës për këtë vit, dhe besohet se do shtojë presionin mbi çmimin e naftës bruto. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)