Pas rekomandimit të Komisionit Europian që qytetarëve të Kosovës t’iu hiqen vizat që nevojiten për të udhëtuar në vendet e Bashkimit Europian që janë në zonën e Shengenit, korriku mund të jetë muaji kur edhe përfundimisht mund të hiqen vizat.
Këtë e ka thënë Ministri Bekim Çollaku në emisionin Info Magazine në Klan Kosova, ku tha se ka disa procedura të tjera që duhet ndjekur pas lajmit të mirë që mori Kosova sot.
“Bëhet fjalë për një vendimmarrje që kalon në dy institucione, në Parlament dhe Këshill të Bashkimit Europian. Por këshilli nuk do ta trajtojë këtë gjë pa u trajtuar në parlament fillimisht. Se sa kohë do që të bëhet kjo gjë, ne nuk mund të përcaktojmë. Varet nga propozimi, ndryshimet eventuale. Nëse shikojmë praktikat ato janë të ndryshme, në rast të Shqipërisë e Bosnjës, kjo periudhë ka zgjatur 6 muaj, në rastin e Serbisë e Malit të Zi ka zgjatur 4 muaj. Ndoshta në rastin tonë kjo periudhë do të jetë më e shkurtër. Korriku mund të jetë një afat real nëse do të ketë dinamikë, por mund të jetë edhe në vjeshtën e hershme të këtij viti”, ka thënë Çollaku.
Ai tha se rekomandimi i Komisionit të Bashkimit Europian, që qytetrëve të Kosovës t’iu mundësohet udhëtimi pa viza në zonën e Shëngenit ku bëjnë pjesë shumica e vendeve të BE-së, nuk ka qenë i befasishëm për Ministrinë e Integrimit europian.
Sipas Çollakut, kjo ishte rrugë e gjatë e filluar kohë më parë dhe se ai ishte fatlumi që të jetë në krye të ministrisë kur kjo nismë edhe u finalizua.
“Është ditë historike. Sigurisht që është ngjarje historike. Prandaj ngjarja e sotme ka një karakter të tillë shumë domethënës”, ka thënë Çollaku, “nuk ka qenë befasi për ne, janë gëzuar të gjithë qytetarët e Kosovës, e po i uroj të gjithë. Absolutisht, periudha e përmbushjes së kritereve ka qenë periudhë e gjatë e shpesh jemi pyetur se pse Kosovës iu deshën 4 vjet për lajme të tilla. Por ky emocion që e kemi pasur sot, e ka gjenezën në gjithë këtë rrugëtim, nuk jam i vetmi por kam pasur fatin të jem në finalen e kësaj rruge”, ka thënë ai.
Ministri Çollaku ka thënë se në mesin e shteteve anëtare të Bashkimit Europian, nuk do të haset në mos-aprovimin e tyre që Kosovës t’i liberalizohen vizat, në mënyrë që qytetarët të mund të lëvizin lirshëm në zonën e Shengenit.
“Nuk ka asnjë lloj rezistence tek shtetet anëtare, shtetet e kanë pritur këtë rekomandim nga Komisioni Europian. Duke e ditur disponimin tek shtetet anëtare nga kontaktet e drejtpërdrejta, nuk pres që të ketë telashe”, ka thënë ai.
Çollaku thotë se vendimi i KE-së që të jepet rekomandimi për liberalizim vizash, është provë se BE-ja nuk po tregohet e padrejtë me Kosovën.
“Kemi pasur përshtypjet sikur po neglizhohemi, por vendimi i sotshëm e dëshmon që BE e trajton Kosovën barabartë, e kjo është një e arritur konkrete. Qytetarët e kanë pasur pothuajse të pamundur të realizojnë qëllime shumë të thjeshta për shkak të regjimit të vizave”.
“Në listën e kritereve, ne mund të gjejmë dhjetëra të tilla që mund të duken të padrejta, por nuk mund t’i diskutojmë, pasi që ne kemi kërkuar që thënë lëvizim pa viza, e ato kushte kanë qenë ato dhe nuk kemi mundur të negociojmë, është e vërtetë që Malit të Zi nuk iu është kërkuar caktimi i kufirit, kurse neve jo”, ka thënë ai.
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti: Anëtarësimi në KiE, hapi i parë drejt bashkimit me familjen evropiane
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë