0Shares

Lideri i AAK-së edhe sot ka vijuar me takime. Derisa një vizitë në Lëvizjen për Bashkim dhe biseda me kreun e LB-së, Avni Klinaku, nuk ka sjellë asgjë të re, ai me liderin e LDD-së, Nexhat Daci, ka zgjuar më shumë kërshërinë e gazetarëve. Si raportohet ata dy kanë dalë nga takimi optimistë për një bashkëpunim në të ardhmen.

Nexhat Daci kishte deklaruar edhe më herët se është në biseda me partinë e Haradinajt për një koalicion të mundshëm.

I pyetur nga gazeta “Express”, Daci tha sot se një gjë është e sigurt: që në të ardhmen do të jenë tri parti në institucione, duke aluduar në partinë e tij dhe AAK-në, mirëpo duke hezituar ta përmendë edhe të tretën.

“Pak a shumë veç dihet kush është e treta…”, u përgjigj Daci.

I pyetur nëse behet fjalë për PDK-në e Hashim Thaçit, ai tha: “Këtë do ta shohim në të ardhmen”. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)