Deputeti i AAK-së, Daut Haradinaj ka thënë se nuk e ka ndërmend të jetë pjesë e ndonjë kabineti qeverisës, sepse ndihet mirë si deputet i Kuvendit të Kosovës. “Mendoj se aty ku jam, jam mirë dhe do të vazhdoj të punoj me të gjitha kapacitetet që na i mundëson rregullorja e punës së Kuvendit. Ndihem mirë dhe jam kolegial me të gjithë deputetët, jo vetëm të një partie, por me të gjithë”, ka thënë Haradinaj. Ai ka folur edhe për ofertën që i kanë bërë PDK-së për bashkëqeverisje.
“AAK-ja e ka bërë një ofertë, e cila nuk është e sotme, por ka ekzistuar tash e sa vite. Ne me të drejtë kemi shtruar kërkesën për ta udhëhequr Qeverinë, por natyrisht se është e drejtë e PDK-së ta vlerësojë ofertën tonë. Ne nuk do të ndalemi. Jemi duke punuar dhe do të jemi konstruktivë. Mendoj se oferta jonë i shkon në favor edhe partisë në pushtet, por gjithsesi këto procese do të vijnë më kohë, sepse nuk mund të ndodhin brenda ditës. Është e drejtë e tyre ta vlerësojnë ofertën tonë. Nëse nuk e pranojnë atë, atëherë ne do të vazhdojmë të punojmë dhe do të shihemi në zgjedhje”, ka thënë Haradinaj në një intervistë për “Epoka e re”.
I pyetur se do të jetë AAK-ja pjesë e Qeverisë në këtë mandat, ka thënë jo nëse vëllai i tij nuk e udhëheq Qeverinë.
“Në asnjë mandat, në të cilin Haradinaj nuk e udhëheq Qeverinë, AAK-ja nuk do të jetë në pushtet. Oferta jonë është qeveri e re e udhëhequr nga Ramush Haradinaj. Në rast se jo, ne do ta vazhdojmë punën tonë si opozitë konstruktive, do t’i mbështesim proceset që i tejkalojnë interesat partiake. Por, në anën tjetër, do ta vazhdojmë agjendën tonë rreth përgatitjeve për zgjedhjet e ardhshme”, është shprehur Haradinaj.
Ai i ka arsyetuar deklaratat e tij të mëhershme se nuk do të bëjnë koalicion me Hashim Thaçin.
“Kam thënë se nuk do të jemi pjesë e Qeverisë në të cilën kryeministër do të jetë Thaçi dhe vazhdoj të mendoj ende njëjtë”, është shprehur ai.
Daut Haradinaj ka treguar se AAK-ja asnjëherë nuk ka pasur shkëputje të komunikimit me kryeministrin Hashim Thaçi dhe partinë në pushtet.
“Çdo kritikë që e kam bërë mendoj se kam pasur të drejtë. Edhe koha po e vërteton se kam pasur të drejtë, sidomos në ato që i përmenda më lart, sa iu përket dukurive negative. Ne asnjëherë nuk kemi pasur shkëputje komunikimi me kryeministrin dhe partinë në pushtet, sepse kjo nuk ka qenë personale. Komunikimi ka ekzistuar në vija të shëndosha, pra kemi pasur bashkëpunim. Edhe pse tentohet të thuhet se jemi afruar tash, kjo nuk është e vërtetë. Ne kemi komunikuar me kryeministrin tash e sa kohë, sidomos për vija të trasha investimi për rajonin, të cilit i takoj edhe unë dhe me krenari mendoj se kemi bërë punë të jashtëzakonshme në ato komuna dhe sukseset do të vërtetohen edhe në të ardhmen, sepse qytetarët do t’ia japin besimin AAK-së. Normalisht se tash është agjenda më e përafërt e të dy partive politike”, ka thënë Haradinaj. /Telegrafi/
Lufta Prigozhin - Putin
Më shumëA do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
FSK zgjedh ushtarin më të mirë për vitin 2024
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Tentim-vrasja në Dragash, dhëndri plagos ish-vjehrrin jashtë objektit të gjykatës
Gjenden pa shenja jete dy personaa, njëri në Fushë Kosovë e tjetri në Prishtinë
Plagoset një person në Dragash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre