0Shares

Në Vukovar të Kroacisë sot është organizuar protestë, në të cilën janë kundërshtuar planet e qeverisë për zbatimin e ligjit, me të cilin pos gjuhës kroate, zyrtarisht do të përdorej edhe gjuha serbe me shkrim cirilik.

Raportohet se në protestë kanë marrë pjesë afro 20 mijë vetë nga të gjitha viset e Kroacisë, dhe nga Bosnjë Hercegovina fqinje.

Ata kanë brohoritur slogane “për Vukovarin kroat, jo shkrimit cirilik”.

Agjencia AP nga Vukovari raporton se më se 20 vjet, pasi ishte shndërruar në mbeturinë, gjatë okupimit brutal të udhëhequr nga ushtria serbe, Vukovari paraqet test nëse kroatët janë të gatshëm t’i respektojnë standardet e Bashkimit Evropian, për të drejtat e minoriteteve, kur Kroacia i bashkohet BE-së më 1 korrik të këtij viti.

Qeveria e Kroacisë po përpiqet ta zyrtarizoj shkrimin serb cirilik në hapësirat e banuara me numër të konsiderueshëm të serbëve etnikë, por kjo i ka zemëruar veteranët e luftës dhe nacionalistët në Kroaci.

Mijëra protestues me flamuj, disa me uniforma ushtarake, iu bashkuan demonstratës në Vukovar.

Sipas policisë protesta ka përfunduar pa incidente. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)