LAJMI I FUNDIT:

Dëmtohen varrezat afër Çakorrit

Dëmtohen varrezat afër Çakorrit
ilustim

Sipas një ankuesi, disa varreza janë dëmtuar në vendin e quajtur Qafa e Vraçevës, 4.8 kilometra larg Çakorrit.

Avdi Nokshiqi që e ka raportuar këtë dëmtim varrezash, thotë se në këtë lokacion ndodhen 40 varreza shqiptare, ndërsa sipas tij dëmtimi ka ndodhur me armë zjarri dhe mjete të forta.

“Aty kanë qenë varrezat e të parëve tanë, janë mbi 40 varreza shqiptare. Para disa dite ato janë dëmtuar shumë, disa me mjete të forta, e disa varreza edhe me armë zjarri,” tregon Nokshiqi.

Dëmtimi shihet edhe në fotografitë që ai i ka dërguar në kallxo.com.

Nokshiqi thotë se rastin e dëmtimit e ka lajmëruar në policinë e Plavës së Malit të Zi, djali i tij Muja.

Mujë Nokshiqi shpjegon se për varrezat e dëmtuara është ankuar në polici më 16 gusht të këtij viti.

“Policia ka dalë në vend të ngjarjes në orën 18:00 [të 16 gushtit],” thotë ai.

BIRN-i ka tentuar të kontaktojë me telefon dhe u ka shkruar zyrtarëve të Policisë së Malit të Zi në lidhje me dëmtimin e këtyre varrezave, por nuk ka marrë ende përgjigje.

Kosova dhe Mali i Zi nënshkruan marrëveshjen për përcaktimin e vijës kufitare mes tyre më 26 gusht 2015 në Vjenë.

Deputetët e Parlamentit të Malit të Zi e ratifikuan këtë marrëveshje më 12 tetor 2015, ndërsa në Kosovë seanca e Kuvendit ku pikë e rendit të ditës është ratifikimi i demarkacionit është caktuar më 1 shtator.

Në ditën kur në Kuvend do të diskutohet dhe miratohet ose jo marrëveshja e demarkacionit, Lëvizja Vetëvendosje” ka paralajmëruar protestë.

Marrëveshja e demarkacionit po kundërshtohet nga partitë opozitare dhe disa ekspertë, ndërsa po mbrohet nga krerët e shtetit, Komisioni Shtetëror për Përcaktimin e Vijës Kufitare me Malin e Zi dhe disa ekspertë tjerë.

Zyrtarë të Malit të Zi vazhdimisht kanë thënë se mospajtimet e subjekteve politike në Kosovë në lidhje me demarkacionin janë çështje të brendshme të Kosovës.

Kosova si kusht për liberalizim të vizave e ka nga Komisioni Evropian ratifikimin e marrëveshjes së demarkacionit. /kallxo.com/

Në trend Lajme

Më shumë
PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Elfije Boletini
Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Jehona Hulaj
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori