LAJMI I FUNDIT:

Dënohet me 21 vjet burg ish-agjenti i SHISH-it

Dënohet me 21 vjet burg ish-agjenti i SHISH-it

Një ish ­agjent i Shërbimit Informativ Shtetëror është dënuar me 21 vjet heqje lirie nga Gjykata e Tiranës për akuzën e “vrasjes me dashje”. I pandehuri Xhevahir Mzika u dënua si autor i vrasjes së pronarit të një servisi, Florian Selmanit, në gusht të vitit 2014, në zonën e njohur si ish-Fusha e Aviacionit në kryeqytet, pas konfliktit të lindur për një gomë automjeti.

Vendimi ndaj Mzikës u shpall më 27 prill 2016. Në përfundim të 32 seancave gjyqësore, trupi gjykues i kryesuar nga gjyqtari Petrit Çomo, vlerësoi të provuar pretendimet e Prokurorisë në lidhje me deklarimin e fajshëm të të pandehurit.

Në fazën e konkluzioneve përfundimtare, përfaqësuesi i Prokurorisë i kërkoi gjykatës një dënim me 29 vjet heqje lirie për Mzhikën, raporton Panorama.

Nga ana tjetër, avokati i tij, Baftjar Rusi, i kërkoi gjykatës pushimin e çështjes penale ndaj të pandehurit, ose deklarimin e pafajshëm të tij.

Nga ana e gjykatës, i pandehuri është fajësuar për “vrasjen me dashje” dhe për “mbajtje pa leje të armëve luftarake dhe të municionit”. Në bashkim të dënimeve, gjykata ka vendosur një dënim të vetëm me 21 vjet heqje lirie për të pandehurin.

Ngjarja për të cilën u fajësua ish­agjenti sekret Mzhika pati si shkak përplasjen e nisur për një gomë të përdorur, që ai e bleu në servisin e administruar nga i ndjeri. I pandehuri ishte nisur për një udhëtim bashkë me anëtarë të familjes së tij, por pësoi një aksident të lehtë në dalje të Tiranës.

Sipas Prokurorisë, aksidenti është shkaktuar nga plasja e gomës, që kishte blerë tek i ndjeri Selmani.

Pas aksidentit, i nervozuar, 43­vjeçari Mzhika ka shkuar te servisi ku i ka kërkuar llogari të ndjerit dhe vëllait të tij. Sipas Prokurorisë, ai është konfliktuar dhunshëm me pronarët. Ai është larguar për t’u kthyer aty disa minuta më vonë me një armë në dorë, me të cilën ka qëlluar 33­-vjeçarin Selmani.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

Lajme
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Si do të mund t'i drejtohen kosovarët Gjykatës së Strasburgut?

Si do të mund t'i drejtohen kosovarët Gjykatës së Strasburgut?

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Kalo në kategori