LAJMI I FUNDIT:

Dhjetë futbollistët më të trofeshëm në histori (Foto)

Dhjetë futbollistët më të trofeshëm në histori (Foto)

Një tjetër sezon futbollistik sapo u mbyll me përfundime interesante. Medalje lumturie në qafën e dhjetëra futbollistëve që pas një rruge të gjatë arritën të grumbullojnë frytet e një pune të lodhshme.

Gjithsesi, për shumë prej tyre nuk është hera e parë pasi në karrierën kanë arritur të fitojnë gjithçka të mundshme, duke grumbulluar në muzen e tyre personal një numër të madh medaljesh. Të 10 futbollistët janë ende në aktivitet, ndërsa vetëm njëri prej tyre, ai që mban vendin e parë është surpriza më e madhe e këtij klasifikimi.

Vendin e 10 e mban kapiteni i Bayern Munich, Filip Lahm. Pep Guardiola e ka cilësuar si një ndër futbollistët më inteligjentë me të cilët ka puanr, por ai është gjithashtu edhe më i suksesshmi. Mbrojtësi gjerman e ka kaluar pjesën më të madhe të karrierës te Bayerni ku ka fituar 8 tituj , 6 Kupa Gjermanie dhe një titull të Ligës së Kampionëve, pa llogaritur këtu Kupën e Botës. Ai mban shiritin e kapitenit që prej vitit 2011.

lahm

Lista e gjatë e Barcelonës nis nga vendi i 9 me Sergio Busquets. Mesfushori i palodhur i katalanasve është një prej emrave kyç të periudhës së sukseseve në dekadën e fundit. 6 tituj kampion në Spanjë, 4 Kupa, 4 superkupa Spanje, 3 Champions, 3 Superkupa Evrope, 3 botërorë klubesh, 2 tituj evropianë dhe një kupë bote me Spanjën. Ndoshta do të duhet një libër voluminoz për të përshkruar karrierën e shkëlqyer të një lojtari të tillë. Jo më kot Barcelona e ka blinduar duke nënshkruar një kontratë të re 5-vjeçare.

busquets

Po në Katalonjë, Xavi ka arritur të fitojë gjithçka duke ngritur në qiell çdo trofe të mundshëm. Në 10 vitet e fundit me fanellën blaugrana, zbatuesi kryesor i filozofisë tika-taka u shndërrua në njeriun imazh të Barcelonës. Trofeun e parë e fitoi në vitin 1999 dhe që prej asaj periudhe nuk u ndal më. 8 kampionate, 4 Champions dhe një lumë medaljesh mes Kupave, superkupave dhe arritjeve me Spanjën që e ngriti në një nivel të pamenduar më parë.

xavi-verratti-euml-sht-euml-n-euml-nivel-me-lojtar-euml-t-m-euml-t-euml-mir-euml-t-euml-barc-euml-s_2_hd.jpg

Vendi i 7 shkon për Bastian Schweinsteiger. Mesfushori i Manchester United u transferua në Angli me një palmares të pasur dhe vendimi i marrë në vitet 2000 për të qëndruar në Bavari duket se i dha të drejtë. U shpall kampion në Bundesliga 13 vjet më parë dhe numëron 8 trofe të Masterschale. Një herë fitues i Champions League, 7 Kupa Gjermanie, një herë kampion Bote me Gjermaninë dhe si përfundim një FA Cup në Angli, shkruan supersport.

kukull-naziste-si-bastian-schweinsteiger_hd.jpg

Gerard Pique rrëmben vendin e 6. Fitues fillimisht i Premier League në vitin 2008 dhe më pas një kapitull i gjatë suksesesh me Barcelonën. Në shtëpinë e tij ai gjeti dimensionin e vërtetë të një kampioni me 6 tituj, 3 Champions, 4 Kupa Mbreti dhe tre suksese me Kombëtaren e Spanjës. Nuk mungoi në asnjë minutë të Kupës së Botës 2010 dhe 6 ndeshje rresht në Euro 2012. Një mur i vërtetë.

Gerard+Pique+FC+Barcelona+v+Athletic+Club+j6tly-Tf7Mlx

Braziliani Maxwell është ndoshta emri më pak i kuotuar në këtë klasifikim por ai mban vendin e 5. E nisi rrugën e sukseseve me një kupë Brazili me Cruzeiron në vitin 2000 dhe më pas shumë trofe me Ajaxin, Interin, Barcelonën dhe Paris Saint Germain. 33 medalje të arta, e pabesueshme por e vërtetë, Maxwell është më i suksesshëm madje edhe se Zlatan Ibrahimovic.

maxwell-edhe-dy-vite-te-psg_hd.jpg

Lionel Messi mund të jetë në garë për një vend në podiumin e lojtarëve më të mirë të kësaj loje, por ndërkohë ai mban vendin e katërt në klasifikimin e lojtarëve më të titulluar. Debutoi në vitin 2004 dhe në 12 vjet arriti suksese stratosferike në Spanjë dhe Evropë, me pengun e vetëm që në Argjentinë nuk ka arritur të gëzojë ende popullin e tij. Muzeun e tij e komplatojnë 5 Topat e Artë, më shumë se askush tjetër dhe një medalje e veçantë, ajo e Lojërave Olimpike.

shkat-euml-rruesi-lionel-messi_hd.jpg

Nga Argjentina në Brazil. Dano Alves mban vendin e tretë edhe pse është i vetmi në listën e lojtarëve të Barcelonës që nuk ka lidhje me La Masian e famshme. Debutoi me Bahian dhe për Evropën trampolinë u bë Sevilla ku fitoi dy herë Kupën UEFA dhe Kupën e Spanjës, përpara transferimit te Barcelona ku në 8 vite rezultoi një mbrojtës i pazëvendësueshëm. Në total fitoi 23 trofe me katalanasit, ndërsa me Brazilin numëron 1 Copa America dhe një Kupë Konfederatash.

dani-alves-barazon-paolo-maldinin_hd.jpg

Andres Iniesta është njeriu që bashkë me Xavin formoi boshtin e mesfushës së Barcelonës ku vazhdon të luajë duke fituar edhe dy trofe të tjerë në sezonin e fundit. Vendi i dytë për mesfushorin spanjoll është mëse i merituar pasi ai ndoshta është lojtari më i talentuar i skuadrës katalanase nëse këtu nuk llogarisim Lionel Messin. 8 tituj La Liga, 4 Kupa Mbreti, 4 Champions janë nektari i një karriere të çmendur ku 32-vjeçari ka arritur të konfirmohet një nga mesfushorët më mbresëlënës të dekadave të fundit. Ai ishte njeriu kyç në botërorin e fituar nga Spanja.

iniesta-dua-t-euml-b-euml-j-historin-euml_hd.jpg

Ndoshta është disi ironike, por vendin e parë e mban një portier. Bëhet fjalë për brazilianin Julio Cesar, pjesë e Interit dominues të futbollit italian. Një Champions, 5 tituj në Itali, 3 Kupa, një botëror klubesh dhe disa trofe me Flamengon në Brazil. Julio Cesar vazhdon të fitojë pasi edhe tashmë në moshën 36-vjeçare, ai numëron 2 tituj në Portugali me Benfican. Një legjendë në katërkëndësh që ka arritur të thyejë pothuajse një formacion të plotë.

julio-cesar-pran-euml-rinovimit_hd.jpg

Nëse dikush mendon se këtij klasifikimi i mungon Zlatan Ibrahimovic, ka të drejtë, por gjiganti suedez numëron dy medalje më pak, aq sa Juventusit iu hoqën në vitin 2006 për skandalin Calcciopoli.

Zlatan+Ibrahimovic+Lorient+v+Paris+Saint+Germain+yuACwu-CgEfx

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Bayern Munich po

Bayern Munich po "peshkon" te Chelsea, lojtari i gatshëm të largohet nga Stamford Bridge

Bundesliga
Real Madridi fërkon duart, shumë lojtarë të Man Cityt kthehen të dëmtuar nga kombëtaret

Real Madridi fërkon duart, shumë lojtarë të Man Cityt kthehen të dëmtuar nga kombëtaret

Liga e Kampionëve
Nëse dështon afrimi i Xabi Alonsos, Bayern Munich ka një befasi për trajnerin e ri

Nëse dështon afrimi i Xabi Alonsos, Bayern Munich ka një befasi për trajnerin e ri

Bundesliga
Përballje tensionuese para duelit: Florian Marku dhe Chris Kongo me paralajmërime për njëri-tjetrin

Përballje tensionuese para duelit: Florian Marku dhe Chris Kongo me paralajmërime për njëri-tjetrin

Boks
Kalo në kategori