Monumenti me 27 emrat e pjesëtarëve të rënë të Ushtrisë Çlirimtare të Preshevës, Medvegjës dhe Bujanocit, prej se është ngritur në muajin nëntor në Preshevë, është bërë objekt i matjes së forcës ndërmjet Beogradit zyrtar dhe disa shqiptarëve të Luginës.
Disa anëtarë të ushtrisë tashmë të shpërbërë kanë porositur kryeministrin e Serbisë, Ivica Dacic, se janë të gatshëm të sfidojnë heqjen e monumentit, nëse është e nevojshme edhe me armë.
Dacic, i cili insiston në heqjen, ka thënë se përmendorja do të hiqet edhe me dhunë, nëse shqiptarët nuk e heqin vetë.
Kryetari i Qeverisë serbe, madje, ka kërcënuar se nuk do të marrë pjesë në raundin e ardhshëm të dialogut me kryeministrin e Kosovës, Hashim Thaçi, nëse përmendorja nuk hiqet deri më 17 janar.
Kryetari i Komunës së Preshevës, Ragmi Mustafa, i ka thënë Radios Evropa e Lirë se kërcënimet, të kujtdo qofshin ato, nuk çojnë në asgjë të mirë. Ai ka thënë se nuk vjen në shprehje asnjë konflikt i armatosur me Serbinë, ndërsa fajin për tensionet ua ka hedhur mediave.
“Nuk është në rregull që tensionet të ngrihen në këtë nivel, kur nuk ka asgjë midis shqiptarëve dhe serbëve lokalë. Unë u bëj thirrje mediave që të shkaktojnë sa më pak tensione rreth këtij monumenti”, ka thënë Mustafa.
Dacic po ashtu ka thënë se “përmendorja është provokim i panevojshëm”, por ish-pjesëtarët e UÇPMB-së janë përgjigjur duke thënë se Dacic “mund ta heqë vetë atë nëse guxon”.
Deputeti i Koalicionit të Shqiptarëve të Luginës së Preshevës në Kuvendin e Serbisë, Riza Halimi, ka thënë se është e pakuptueshme situata, në të cilën autoritetet shtetërore grinden me zyrtarët lokalë.
“Kompetencat e pushtetit lokal nuk mund t’i mohojë askush, por nëse shfaqen probleme, duhet që të dyja nivelet e qeverisjes të bisedojnë dhe t’i zgjidhin ato probleme”, është shprehur Halimi.
Përmendoren, si provokim e ka cilësuar edhe kryetari i Këshillit për Kosovën në Kuvendin e Serbisë, Milovan Drecun. Por, ai ka thënë se “ky është provokim i Prishtinës, e cila bën përpjekje të ndalojë aktivitetin e fuqishëm politik të Beogradit”.
“Provokim, në të cilin shteti i Serbisë duhet të përgjigjet, për të treguar se është i vendosur dhe ka kapacitet të ndalojë të gjithë ata që me anë të dhunës, duan të zgjidhin probleme”, ka thënë Drecun.
Në anën tjetër, Galip Beqiri, kryetar i Këshillit Kombëtar të Shqiptarëve në Luginë, ka theksuar rëndësinë e zgjidhjes së këtij rasti me anë të dialogut.
“Mendoj se një kryeministri nuk i kanë hije deklaratat e tilla. Kryeministri mund të flasë me kryetarin e Komunës së Preshevës dhe me dialog të zgjidhin problemin. Me kërcënime nuk mund të zgjidhet asgjë”, ka thënë Beqiri.
Gjatë viteve 2000 dhe 2001, organet shtetërore të Republikës së Serbisë – Ministria e Brendshme, prokuroria dhe gjykatat – e kanë trajtuar si “organizatë terroriste” Ushtrinë Çlirimtare të Preshevës, Medvegjës dhe Bujanocit. Por, në vitin 2002 është sjellë ligji për amnistinë e pjesëtarëve të saj. /Telegrafi/
Promo
Reklamo këtuLufta Prigozhin - Putin
Më shumëPse Mali i Zi votoi kundër Kosovës në KiE, flet Dritan Abazoviq
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia