Një konkurs i shpallur para disa javësh për pozitën e Udhëheqësit të zyrës për menaxhimin e lëndëve në Gjykatën Themelore në Prishtinë, po shihet si i kurdisur. Kështu të paktën pretendon njëri nga kandidatët që kishte aplikuar për këtë pozitë, Fatmir Krasniqi.
Ai ka ushtruar ankesë ndaj vendimit të Komisionit intervistues, i cili e kishte përzgjedhur si kandidaten më të suksesshme për këtë pozitë, Kristina Shtufi, e cila është pjesë e kësaj gjykate.
Gazeta Blic ka arritur që ta siguroj ankesën e kandidatit, Fatmir Krasniqi, i cili pretendon se me vendimin e Komisionit është aplikuar gabimisht Rregullorja nr. 02/2010.
Sipas kësaj ankese, kandidati Krasniqi konsideron se është favorizuar kandidatja, e cila është pjesë e Gjykatës Themelore.
Në ankesën e tij, një kopje të të cilës e posedon Gazeta Blic, ai ka propozuar që “vendimi i atakuar të prishet dhe çështja të kthehet në intervistim të kandidatëve me prezencë të mediave apo i njëjti të anulohet dhe të përsëritet procedura e rekrutimit edhe njëherë nga fillimi duke i elminimuar të gjitha shkeljet e bëra nga rekrutimi i parë”.
Krasniqi konsideron se është e pakuptimtë dhe e palogjikshme të përdoret raporti përfundimtar u kandidatëve, ngase sipas tij, kandidatja që e ka fituar vendin e punës, Kristina Shtufi, i është plotësuar testi nga ana e komisionit.
“Ajo e kishte dorëzuar testin e pa plotësuar fare. Këtë e kam vërejtur rastësisht, dhe nga pakujdesia e saj, e cila në 5 minutat e fundit të testimit e shfleton testin e saj nga fillimi deri në fund. Meqenëse unë e kisha përfunduar testin tim dhe nuk më është lejuar dalja jashtë, nga afërsia që kisha me kandidatën në fjalë, kam arritur të shohë që e njëjta nuk e ka plotësuar testin fare, duke qenë i bindur se ajo nuk do ta kaloj testin edhe kam heshtur. Pas përfundimit të testit kam vërejtur se e njëjta është punëtore e Gjykatës për arsye se menjëherë është futur në zyrën e saj”, thuhet ndër të tjera në ankesën e tij.
Kandidati Krasniqi, në këtë ankesë tregon se ai me të marrë vesh për dallaveret që po përgatiteshin për këtë konkurs, nuk ka pranuar fare që t’u përgjigje pyetjeve me gojë, të komisionit intervistues.
Gazeta Blic, ditën kur kanë përfunduar intervistat e ka kuptuar për këtë rast, dhe ka kërkuar një pyetje nga Gjykata Themelore në Prishtinë, ku ndër të tjera ka pyetur Gjykatën nëse është favorizuar kandidatja Shtufi.
Në përgjigjen dhënë më 30 shtator, zëdhënësja e Gjykatës Themelore në Prishtinë, Mirlinda Gashi kishte mohuar se ka favorizime.
“Lidhur me kërkesën tuaj që e keni parashtruar ju njoftojmë se procedura për rekrutimin e stafit administrativ është në vazhdim. Gjithnjë deri sa procedura nuk përfundon me vendim përfundimtar askush nuk ka të drejtë që të komentoj punën e komisioneve. Janë disa shkallë të komisionit dhe në fund vendos Këshilli i Pavarur Mbikëqyrës”, ka theksuar ajo.
Madje, refuzimin e kandidatit që të përgjigjet në pyetjet e kandidatit Krasniqi, e kishte konsideruar si presion.
“Natyrisht se në procedurë të rekrutimit gjykata has në presione të ndryshme. Ne e kuptojmë se njëri prej kandidatëve në një shpallje , e i cili vet është tërheq nga shpallja sepse nuk ka pranuar që ti nënshtrohet intervistës me gojë, është burimi i juaj i informacionit në të cilin thirreni. Kjo gjithsesi është formë e presionit në gjykatë. Dhe natyrisht se gjykata nuk vepron nen presionin e askujt”, kishte thënë ndër të tjera Gashi.
Për dijeninë e juaj, kishte shtuar ajo, sipas ligjit në fuqi gjykata ka pas dhe ka edhe tani mundësi që këtë pozitë që e përmendni ju ta plotësoi me shpallje interne ku nuk kanë të drejtë që të konkurrojnë kandidat të jashtëm.
“Arsye e publikimit të shpalljes së jashtme ka qenë që tu epet mundësi edhe kandidatëve të jashtëm që të jenë pjesëmarrës dhe nëse gjenden kandidatë më të përgatitur në aspektin profesional dhe etik që të pranohen. Përndryshe nëse për çfarëdo arsye kjo shpallje nuk rezulton me pranimin e ndonjë kandidati, sepse edhe kandidatja që ju e përmendni ka dhënë provimin e jurisprudencës dha ka mundësi tjera të avancimit në pozita tjera ku e sheh perspektiven e ngritjes në karrierë, atëherë realisht duhet të ketë përsëritje të shpalljes e cila ka mundësi që të jetë vetëm interne”, kishte thënë ajo.
Gashi ka vlerësuar se këto janë vetëm mundësi që veprimit të gjykatës në procesin e rekrutimit.
Duhet prit vendimet përfundimtare.
“Janë shumë pozita që po plotësohen në këtë gjykatë dhe për të gjitha po kalohet në të njëjtat rrugë të presioneve”, ka shtuar ajo.
Lufta Prigozhin - Putin
Më shumëGazetari britanik tregon nëse mund të ketë luftë në Kosovë dhe Bosnjë
Biseda telefonike ndërmjet presidentit francez Macron dhe kryeministrit Kurti, anëtarësimi në Këshill të Evropës dhe Asociacioni i komunave me shumicë serbe
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral
Zgjedhjet presidenciale në Maqedoni - gjithçka që duhet të dini
Goditi 42 herë me thikë ish-të dashurën në Vjenë, gjykata e dënon me 15 vjet burgim shqiptarin nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert