A e dini se modelet e Rolex-it kanë histori unike prapa emrave të vet?

Çdo Rolex e tregon nga një histori, por disa nga këto modele flasin më shumë se të tjerat. Dhe, pikërisht këto shpeshherë marrin ndonjë pseudonim – diçka që përdoret nga koleksionuesit dhe fansat si mjet për t’i treguar të tjerëve saktësisht se çfarë duan të flasin.

Më poshtë i keni disa histori interesante dhe argëtuese se si disa modele të orës Rolex e përshkruajnë historinë e pasur të kompanisë, transmeton Telegrafi.

Rolex Batman

Disa modele të Rolex nuk kanë ndonjë arsye të mahnitshme prapa emrit të vet. P.sh., Rolex GMT-Master II, me rrethin kaltër e zi prej qeramike, ka fituar pseudonimin Batman.

Përse Batman? Thjesht sepse ngjyra e kaltër dhe e zezë janë shpeshherë të ndërlidhura me Kalorësin e Errësirës.

Steve McQueen

Rolexi “Steve McQueen”, më i mirë i njohur si Rolex Explorer II Ref. 1655, asnjëherë nuk është fotografuar në dorën e aktorit të njohur të shekullit 20’të.

Në fakt, me siguri se ai as që ka pasur një të tillë. Por, mundësitë janë të mëdha që emrin e ka marrë nga një revistë italiane e cituar gabim në vitet e 1970’ta.

Megjithatë, askush nuk do ta dijë ndonjëherë arsyen e vërtetë.

Presidenti

Ky pseudonim është aq i njohur saqë edhe vet Rolex e përdor këtë. Kur Rolex e kishte debutuar orën “Day-Date”, i kishte dhënë një emër të veçantë “Byzylyku i Presidentit”.

Kjo, e kombinuar me faktin se shumë liderë botërorë e zotëronin një orë të tillë, kishte bërë që ora të betonohte në mendjet e njerëzve. /Telegrafi/