A është ky monopol?

10:53 / 26.02.2013

Banka, kompani të sigurimeve, kompani të derivateve, e shumë të tjera, përfshirë edhe ato publike, çdo ditë e më tepër po dominojnë tregun. Por thuajse të gjitha janë të pakonkurrencë ose ofrojnë shërbime shumë të ngjashme.

Ata që e përcjellin këtë punë thonë se kosovarët nuk kanë shumë zgjedhje në kamata, në çmime të derivateve e as produkte e shërbime të tjera.

Këtu, sipas vetë përfaqësuesve të biznesit dhe njohësve të ekonomisë, ka monopol, dhe këtë po e lejojnë institucionet që janë të thirrura ta luftojnë atë.

Komisioni Kosovar i Konkurrencës, të cilit i takon të monitorojë se si veprojnë bizneset, thotë se po i heton disa raste të monopolit. “Jemi marrë edhe më herët me hetimin e tyre, po edhe tani jemi duke u marrë me sektorin e bankave, kompanive të sigurimeve dhe kompanive të derivateve. Në vitin e kaluar kemi bërë një analizë rreth monitorimit që e kemi bërë për bankat komerciale. Rekomandimet ua kemi dërguar BQK-së dhe bankave komerciale”, tregon drejtori i Komisionit të Konkurrencës, Gani Asllani.

Ai ka thënë se gjobat, sipas ligjit, parashihen të jenë deri në 10 për qind të qarkullimit të biznesit. Por, nuk tregon nëse ka raste që janë dënuar deri më tani nga ky komision, shkruan "Tribuna".

Mirëpo, Asllani pranon se në tregun bankar ka dominim të banakëve të mëdha, derisa mbetet me shpresë se hapja e një banke të re do të ulë dominimin. “Tani është hapur edhe një bakë e re, dhe shpresojmë që nga kjo të ulet pak dominimi i bankave. Në bazë të ligjit në fuqi, nëse një bankë ka më shumë se 40 për qind të tregut, arrihet monopoli. Ka pasur dyshime që ekziston një marrëveshje e fshehët ndërmjet bankave. Këtë nuk kemi mundur ta vërtetojmë, mirëpo në opinion ekziston një bindje që bankat janë akomoduar mirë dhe e kanë nën kontroll krejt tregun”, shprehet Asllani.

Sipas tij, me këto raste duhet të merret më shumë edhe Banka Qendrore e Kosovës. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.