ANP kontrakton kompani private për rivlerësimin e aseteve

11:10 / 1.02.2013

Tre vjet pas koncesionimin, Aeroporti Ndërkombëtar i Prishtinës do t’i futet procesit të rivlerësimit të aseteve. Ky proces do të bëhet me kërkesë të vetë “aksionarëve” në këtë ndërmarrje tanimë të koncesionuar me qëllim që të dihet se çfarë hise kanë palët në këtë kompani.

Procesi që i është besuar një kompanie private me emrin ”CV”, do të nxjerrë si rezultat vlerën e aseteve që do të menaxhohen nga shteti, përderisa asetet e tjera do të mbesin nën menaxhim të koncesionarit “Limak-Lyon”. Nëpërmjet tenderit publik, pjesa që tanimë menaxhohet nga shteti, ka kontraktuar kompaninë private të cilës do t’i japë afro 10 mijë euro, për të bërë rivlerësimin e aseteve.

Driton Ujkani, zyrtar për informim në Njësinë e Kontrollit Ajror, ka theksuar se ndër arsyet kryesore e kryerjes së këtij procesi është kërkesa e auditorëve të jashtëm për të sqaruar pronësinë e saktë të aseteve në ndërmarrje, shkruan Koha Ditore.
Ndërkohë, ende nuk dihet se kujt do t’i takojnë asetet kryesore, përderisa procesi pritet të zgjasë me javë të tëra. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.